Әлеумет, барда арыным,
Айтқанын өткен кәрінің
Барынша айтып берелік,
Жеткізе алсақ сарынын.
Көзім көрген адамда
Абыл, Нұрым, Ақтаным,
Осылар еді тақтағым.
Осылай деп маған үйреткен
Тарихтың ескі ақпарын.
Қазақ бір деген ел едік,
Қайырлы халық атанған.
Үш қожаның тұқымы
Өсіп-өнген қатардан:
Үйсін, Арғын, Алшын деп,
Үш жүз болып атанған.
Әзіреттің кең ойы,
Алты судың кең бойы
Атамыз қонған жер екен.
Көршілес елдер жау болып,
Ойлағаны дау болып,
Кетіпті бір кез берекем.
Алғыр судың бойында
Алшын деген аз ауыл
Қытайменен жау болып,
Көшіпті, салып қарауыл,
Қашаған Күржіманұлы