Арманға сене алмайтынымыз,
Жалғанға көне алмайтынымыз,
Жылаған бақтарға бармайтынымыз,
Жаңбырдың астында қалмайтынымыз –
Қандай жақсы!
Кездесуге тез жетпейтініміз,
Кешіктің ғой деп сөкпейтініміз,
Жаңбыр мен жасқа шыланған жүзді,
Жұбатпақ болып өппейтініміз –
Қандай жақсы!
Өзімізді сырт ұстайтынымыз,
Сөзімізді сырт ұстайтынымыз,
Жаңбырда қалып, жаураған тәнді,
Жылытпақ болып кұшпайтынымыз –
Қандай жақсы!
ЕРЛАН ЖҮНІС