Бізден бұрын жаратылған Дала бұл,
Сізден бұрын жаратылған Ана-қыр,
Одан бұрын жаратылған Ата түз,
Бізден соң да қалады.
Біз де содан жаратылған ұланбыз,
Сізге өмір бергенін де ұғармыз,
Оған өмір беруін де сұрармыз,
О, мың алғыс, мың алғыс!!!
Дала бізге, біз далаға иеміз,
Сіздің мұнда обалыңыз, киеңіз,
Оның мұнда бабасының сүйегі,
Сондықтан да сүйеміз!
Атамыздың жағасынан алдырмай,
Анамызды күрсініске салдырмай,
Арман жоқ-ау ажал құшсақ арлы ұлдай,
Топырақты қор қылмай!
Ерлан ЖҮНІС