Ұрпақты «Құдай жоқ» деп ұғындырып,
Бұқтырып,
Былқ еткізбей,
Бұғындырып.
Халықты бір-біріне айдап салып,
Шаруасын шаш етектен шығын қылып.
Көрсетіп содыр ісін сораңының,
Сарп етіп, күш-қайратын, мол ақылын.
Біліп пе,
Қайран Сәкен,
Кереметтің –
Бәрі де керісінше болатынын.
Әзірге тас түрмеде.
Ақмолада.
Тағдырдың талқысына тап бола ма?
Алдында қандай мақсат,
Қандай арман –
Алла жар болсын дейік –
Хақ тағала!
СЕРІК ТҰРҒЫНБЕКҰЛЫ