Тасты менен Татырдың
Арасында күнде шу.
Қазір Кейкі батырдың
Мекен-жайы Құмкешу.
Кім түгендеп санамақ,
Әскері бар екі мың.
Құмкешуді паналап
Жатқанына жеті күн.
Алғаннан соң бір кіріп,
Қандай жайлы құм іші.
Қалың әскер іркіліп,
Кеңігендей тынысы.
Жұмақтай боп көрінген,
Туған елдің бір шеті…
Қазып қалған жеріңнен
Су шығады бұрқ етіп.
Құмкешудің жерінің
Асты – бұлақ, үсті шөп.
Майда құмы керіліп
Жата қалсаң – құс төсек.
Айқай, жанжал, шыққан дау,
Естіледі тұншығып.
СЕРІК ТҰРҒЫНБЕКҰЛЫ