Құштарлығын байқатты.
Амангелді бұл сөзді
Толығымен құптады.
Алақанға түкірген
Ер көңілін жықпады.
Кейкі келіп кейпіне,
Жаудан қорқып ықпады.
Дайындалды күні-түн,
Қанды айқасқа шыққалы.
Мінді астына жаратып,
Шұбар қасқа дөненді.
Жанына алды жарақтап
Жағыпар мен Өменді.
Қалың әскер шамасы
Мың қаралы қол ерді.
Бес қаруын сайлап ап,
Домаланып көп әскер,
Доғал жаққа жөнелді.
Сары аязы ақпанның,
Сақылдап-ақ жатқан күн.
Торғай өзен жағасы
Жасырынды кеп әскер
Арасына шоқ талдың.
Андағайлап жау келсе,
Арты – жазық, алды – жар,
Ажал жетпей тоқтар кім?!
Тургеновтың әскері,
Тың күшпенен түн қатып,
Ара қонып, күн жатып,
Арып-ашып, қалжырап,
Қалың қарды омбылап
Доғалға кептірелді.
Айналасын аңдып-ақ.
СЕРІК ТҰРҒЫНБЕКҰЛЫ