Отқа салдым аямай,
Топқа салдым аямай,
Дауға салдым аямай,
Жауға салдым аямай,
Аямаған ұлыма
Абырой бер, ой, Алла-ай!
Менің туған халқымды
Нұр билейді түбінде,
Бүгін – Ертең
Болмаса,
Бір билейді түбінде…
Қазағымды –
Қазанат
Ұл билейді түбінде!
Нұрсұлтаным –
Нар ұлым.
Жалғандағы жарығым.
Елден ерек,
Дара бол,
Адастырмас өзіңді
Атаң салған қара жол.
Тұстас болма пақырмен,
Істес болма кәпірмен.
Алыс болма жатпенен,
Шалыс болма жақынмен.
Қылышыңды қымқырып,
Қанжарыңды жымқырып,
Күн өткізбе «мақұлмен».
СЕРІК ТҰРҒЫНБЕКҰЛЫ