Тасынған кім,
Тасқан кім?!
Қараулықты қолдаған.
Миы мықты Бастардың
Күйі төмен болмаған.
Басы барлар көп емес,
Ерек болған елге ісі.
Алашапқын, төбелес,
Бассыздықтың белгісі.
Небір айла – шарғымен,
Барын салып қолдағы,
Батырлардың алдымен
Басын құртпақ болғаны.
Қандай зұлым,
Пәтшағар,
Адалдық па осы да!
Батырлардың
Патшалар
Құмар болар болған Басына.
Бұл не сұмдық,
Мұншама,
Отырып ап бөстекте.
Қылыштарын жұмсаған
Қылша мойнын кеспекке!
СЕРІК ТҰРҒЫНБЕКҰЛЫ