Зырлайды күн,
Зырлайды жер,
Кең әлемді айналып.
Тулайды көл,
Зулайды жел,
Ұшатындай айға алып.
Соларменен бірге айналып,
Жаным тыным таппайды.
Отырғанмен көп ойланып,
Көңілімде жоқ қайғы.
Жер менен көк сәулетімен,
Жаралса олар мен үшін.
Жүректе жыр – дәулетіммен
Мен жаралдым ел үшін.
Зырлайды күн,
Зырлайды жер,
Кең әлемді айналып.
Тулайды көл,
Зулайды жел
Ұшатындай айға алып.
Сырбай Мәуленов