Ебін тапқан ер өлмес.
Ердің ері — егеудің сынығы.
Ер намысына қарай шабады.
Ен-таңбасы болмаса
Малды қайдан танырсың?
Ақ найзасы болмаса
Ерді қайдан танырсың?!
Ердің құны жүз жылқы,
Ары мың жылқы.
Алғаны жақсы жігіттің
Әрқашан ісін оңдайды,
Алғаны жаман жігіттің
Ісінің сәті болмайды.
Адамсыған жігітті үйінде көр,
Атсынған айғырды үйірінде көр.
Ай толғанын білмес,
Жігіт болғанын білмес. алдамай,
Арманы жоқ жігіттің дәрмені жоқ.
Ат айналып қазығын табар,
Ер айналып елін табар.
Асыл ердің баласы,
Аз сөйлер де, көп тыңдар.
Атан түйеге ауыр жүктің қорлығы жоқ,
Арыстанға темір шынжырдың арлығы жоқ.
Атадан алтау туса да,
Жауға шаппаған жігіттің барлығы жоқ.
Асқар тауға жарасар, басындағы обасы,
Айдын көлге жарасар, сылдыраған қоғасы,
Ер жігітке жарасар, қолындағы найзасы.
Әуелі тәңірі жерге береді,
Жерге берсе, елге береді,
Елге берсе, ерге береді.
Ер сасқанда белгілі,
Ат шапқанда белгілі.
Ер есімі ел есінде.
Ер не көрмейді,
Ер көңіл есе бермейді.
Ер қосы жүре түзеледі.