Қамықпа, қалқам, текке сен,
Махаббатыма мастанып мүлдем кетпесең.
Тірлікті жарық өзіңмен ғана бөлісіп,
Өзіңмен ғана…
От кешем.
Қайтадан тағы да дір ет те,
Құшаққа кірші, құйын боп өтсін бір өкпе.
Кеудемде жалын махаббат барда, сен
барсың,
Сен барсың, қалқам,
Жүректе.
Қамықпа, қалқам, көзіңді іл,
Буыңа балқып, бұрқырап тұрған сезім бұл.
Семсердің жүзін сүйіп те берген сертіме,
Сенбеймін десең…
Өзің біл.
Сәкен Иманасов