Алға қарай жас жүрек бұлқынады,
Балалықпен қоштасар күн туады.
Онжылдықтан шыққандар оқу іздеп
Юрфакқа түсуге ұмтылады.
Не демекпіз шөліркеп дала жатса,
Не болмақшы суға құм араласса?
Жұмыс іздеп уақытша жүргендермен
Кешіп жатыр өз күнін балабақша.
Бала бағу.
Оны ешкім жаратпады,
Заң маманы болуды қалап бәрі.
Ақиқатқа құштар ма мынау ұрпақ,
Армандап жүр кімдерді жауаптауды?..
Ақұштап Бақтыгереева