(Әні бар)
Үйірі қысырақтың мақпал қара,
Шашыңды күндіз жу да, түнде тара.
Алыстан ат терлетіп келгенімде,
Ей, Мақпал, қырыңдамай бермен қара!
Үш жүзге атым мәлім Ақан сері,
Келгенім Мақпал қыздың туған жері.
Алыстан ат сабылтып келдім іздеп,
Бір көріп қайтайын деп, Мақпал сені.
Біз қайтып елге таман бастық қадам,
Сымбатың хатқа сыймас айтса тәмам.
Ей, қалқа, мұнша неге зарланасың,
Елге алып қайтпас па едім келсе шашам!.
Ақан Сері