(Әні бар)
Маңмаңгер, кекілің келте, жалың майда,
Байлаған сені сипап қалқатай да.
Жүрісің желмаядай, жануарым,
Көрейін қызығыңды осындайда.
Қайырмасы:
Ахау, жігіт ері,
Дерсің мені,
Деп салған
Маңмаңгерге
Ақан сері.
Маңмаңгер, ән қосайын жүрісіңе,
Дер екен қалқа қалай келісіме.
Сыдыртып маңмаңгермен келе жатып,
Осындай ән құйылып түсті есіме.
Қайырмасы.
Маңмаңгер, кекілің келте, жалың майда,
Бал татыр қант қосқанда қағаз шайға.
Кісіден анау-мынау жалтару жоқ,
Ақ көйлек, дүрия бешпент сәулем кайда?
Қайырмасы.
Ақан Сері