Әні Т. Төлендиевтікі
Жимайды бір шашылған шуақтарын,
Келеді аясында шуақтағың.
Қиярсың жамандыққа қалай ғана,
Жайнаған бір-бір үйдің шырақтарын.
Асыл жандар,
Асыл жарлар,
Арулар —шуақ болып шашылғандар.
Арулар — асыл жандар, сағыныштар,
Құшақтар, өтініш пен жалыныштар.
Жек көрсе ол жүрегін мұз жасайды,
Балқытып жақсы көрсе жаныңа ұстар.
Қа й ы р м а с ы.
Арулар — аяулылар, ардақтылар,
Өмірге жылу болып қалмақ бұлар.
Арулар — тіршілікке күре тамыр.
Өмірді бір-біріне жалғап тұрар.
Қ а й ы р м а с ы.
Арулар әрбір үйдің шаңырағы
От болып, әрбір үйден жағылады.
Таң болып әрбір үйден атса тағы,
Сәуле боп әрбір үйден жамырады.
Қ а й ы р м а с ы.
Мұқағали Мақатаев