Сенен өзге жанның бәрі
адамға ешбір ұқсамайды.
өзің жара салдың-дағы,
жанарымды құшса қайғы.
Керең жандай түк ұқпайды
бір өзіңнен басқа халық.
Жүректі ешкім жылытпайды,
Кетті сенсіз шаш та ағарып.
Сенің ерке қылықтарың
басқада жоқ— айдан анық.
Сезімімнің тұнықтарын
жүрсің жалғыз жайлап алып.
Сағынсам да, амал қанша,
тынши алам қайда барып?
өзің қашан оралғанша,
жүрем енді қайғы оранып.
Фариза Оңғарсынова