Қараңыздар ізетпен қыз бала деп,
бұлданбаймын мен бірақ сыздана кеп.
Азаматсып топтарда билік құрып,
сыйлағанға масайрап бұзбан әдеп.
Бұйығылау шығармын бәлкім де мен,
пікірлер де құр болмас “салқын” деген.
Біреулерге дәл солай жұмбақтаумын,
жайдарлық күтсе де әркім менен.
Тілемеймін өмірден жеке несіп,
мықтылармен күнелтпен жетелесіп.
Жолы қысқа, қыз бала десеңіздер,
кішірмеймін, мен қайта кетем өсіп.
Етсем жырды киініп-ішінерім,
кешірмесін осыным үшін елім.
Асқақ-асқақ жыр күтіп жүрсе менен —
сыйлағаны осы деп түсінемін.
Фариза Оңғарсынова