БІР БАСТЫҚ ТУРАЛЫ
Қалса сәл көңілі бұлттанып,
Еш көрген емес ол жұрт танып.
Зытасың көрінбей, басынды
Бәледен алғандай құтқарып.
Бұл шақта ол өзін тау санар,
Үстіне кіргенді жау санар.
Тіл қатсаң жосықсыз дау салар,
Қатыңқы қабақпен қарсы алар.
Жай айтсаң бырт дейді, шырт дейді,
Қатты айтсаң жұмысың бітпейді.
Көзіңнен көз алмай,
Ұялмай-қызармай,
«Әлі де үш-төрт күн күт»,— дейді.
Амалсыз, аңдисың «уақытын».
Киесің жалтақтық қамытын.
Көңілсіз отырса — бейнетің,
Көңілді отырса — бақытың.