Керей Өтебайдың ақын Хасанның айтқан сөзі
Көлдің суын жамандап, Еділді қайдан табасың,
Алғаныңды жамандап, ақ жүзді қайдан табасың.
Қожа молдаларды қор көріп, өз басыңды зор көріп,
Теңдес қайдан табасың.
Жиылыс жерден қашасың, мәжіліс қайдан табасың.
Саудагер саудагерді күндейді, байға бай сырты дос, іші білінбейді.
Жақсымен жолдас болсаң, шарапаты кетпейді бәйіл қайрат суындай.
Жаманмен жолдас болсаң кесапаты кетпейді, шайтанның қызыл туындай.