Перейти к содержимому
- Ат айлығын иойлайды, түйе жылдығын ойлайды,
Есек екі аяғының астын ойлайды. - Атыңды жүріп тұрғанджа қамшыла.
- Аттың аты үлкен, түйенің табаны үлкен.
- Аты барға тай мінсе де жарасады,
Асы барға сұрап ішсе де жарасады. - Ат жалдаған өсер, ит жалдаған бітер.
- Аттан тай озады, атадан бала озады.
- Ат жақсысы қартаяды, негізіне тартады.
- Ат алсаң, ауылыңмен ал.
- Аттының несібесі- алтау, жаяудың несібесі- жалқы.
- Атына таман тұрманы, еңбегіне қарай қырманы.
- Ат пысқырса- жолға, байтал пысқырса-сорға.
- Атқа аз арт та қатты жүр, түйеге көп арт та жай жүр.
- Атын тайғақ болса,
Ақ текенің мүйізімен тағала.
Заманың тайғақ болса,
Бір жақсыны сағала. - Аруақты жерден ат үркеді.
- Асқа сойылған ат армансыз,
Құрбандыққа шалынған қой армансыз. - Ат-құлыннан, батыр-баладан.
- Тай жаманы жорға болады,
Адам жаманы молла болады,
Атын сабаған досынан айырылады. - Арғымақ аттың тұяғы-
Тасты басса кетілер, сазды басса жетілер. - Асқақ атты алтынмен тағаласаң да ақсайды.
- Ақырзаман аттан айырылған жерде.
- Арғымақ атқа- тай төлеу.
- Атқа мінгеспе, мінгессең үндеспе.
- Алыс жол атты сынайды,
Ауыр күн ерді сынайды. - Айдың ізін ай басар, аттың ізін тай басар.
- Асауға – ноқта,жүйрікке-тұмар.
- Асаудың теппесе ақысы кетеді,
Жыланның шақпаса ақысы кетеді. - Артқы айылым берік болса, атым, тулап не етерсің,
Ағайында бірлік болса, жатым, маған не етерсің. - Арық деген жаман тай, жазға шығып ат болар,
Жамандығы сезілсе, жақын кісін жат болар. - Арбалыға, жорғалы жолдас болмайды.
- Арымас ат, тозбас тон болмайды.
- Ат жүйрігі-азаптан құтқарады,
Тіл жүйрігі- мазақтан құтқарады. - Ат сабылды, жоқ табылды.
- Ат сырын атбегі біледі, құс сырын құсбегі біледі.
- Ат мінген қойшының аяғы ұзын,
Өгіз мінген қойшының таяғы ұзын. - Аттыға жаяу жолдас болмас.
- Ағайын тату болса ат көп,
Абысын тату болса ас көп. - Аттан айырылсаң да, ер тоқымынан айырылма.
- Атың жемқор болса берді құдай,
Қатының жемқор болса ұрды құдай. - Арғымақты байтал бастайды, аруаұты шайтан бастайды.
- Арықты мінгенше, аяғыңа мін.
- Бәйге аты қарайлас.
- Бие қоста жүріп терлесе
Құлын босқа жүріп терлейді. - Бір биеден ала да туады,құла да туады.
- Бір қу байтал,екі айғырды аш қалдырады.
- Бір атқа екі жүген керек емес.
- Бір мінсен де жорға мін,
Бүлкілдесін бүйрегің.
Бір ұрттасаң да май ұртта,
Кілкілдесін жүрегің. - Белдеуге белдеу байланса,ердің үйде болғаны.
- Енесі тепкен құлынның еті ауырмас.
- Иесі келсе, биесін бер.
- Иесінің еңсесі түссе, ат та жөнді шаба алмайды.
Просмотр: 465