КІМ БІЛЕР?
Сыйлас, сырлас алқадан,
Қарыштап дәурен жасаған.
Қара құрттай қайнаған,
Ауыздан ағып шайнаған,
Қымызы кәусәр толқыған,
Иісі жұпар аңқыған,
Қызықпен сайран шалқыған,
Қаздай жүзіп қалқыған,
Басыңда бұлбұл сайраған,
Тәтті балдай балқыған,
Ішінде гауһар жайнаған,
Ел қадірін кім білер?
Күн қадірін кім білер?
Мал қадірін кім білер?
Май қадірін кім білер?
Бал қадірін кім білер?
Жер қадірін кім білер?
Көл қадірін кім білер?
Гүл қадірін кім білер?
Жар қадірін кім білер?
Жан қадірін кім білер?
Жүректі шаншу жайлаған,
Зар қадірін кім білер?
Елім деп өмір аңсаған,
Ер қадірін кім білер?
Қияда барда қорлаған,
Кім қадірін кім білер?
Басына түсіп байқаған,
Бәріне басты шайқаған,
Зарыққан жарлы ел білер [7].