ҮЙ ҚОЖАСЫ ОҢБАСА

ҮЙ ҚОЖАСЫ ОҢБАСА

Үй қожасы оңбаса,
Айтқаны қабыл қонбаса,
Жалқаулықты жастанса,
Болмашыға мастанса,
Шаруашылық бәрі кем.
Көк темір болып болатың,
Алтының болар жезбен тең.
Арам ойлы азамат,
Ақ сайтанның ағасы.
Жаман қатын, шабан ат,
Бәрінің бір бағасы.
Асыл пышақ қол кессе,
Тез жазылмас жарасы.
Жаман адам тілі ашты,
Ойдан кетпес наласы.
Тырнадан қойсаң жасауыл,
Айғай салып қиқулап,
Елдің кетер мазасы.
Қомағайдың ажалы,
Бір соғым ет жазасы.
Өлімтікке қарама,
Ақсұңқардың баласы.
Жақсы менен жаманның,
Жер мен көктей арасы.
Жақсыны жатқа санама,
Жазатайым іс болса,
Даяр тұрар табасы [6].