АҒАЙЫН ТУРАЛЫ МАҚАЛ-МӘТЕЛДЕР

1. Ағайынмен алыстан сыйласқан жақсы.
2. Алыста жүрсе кісінескен ағайын,
   Жақында жүрсе тістескен ағайын.
3. Ағайын дауға керек,
   Мал жауға керек.
4. Ағайының барда дұшпаным жоқ деме,
   Абысының барда күндесім жоқ деме.
5. Ағайынның сырты бүтін, іші түтін.
6. Ағайынға қарап мал өсер,
   Қарағайға қарап тал өсер.
7. Ағайын – ағайынның айнасы.
8. Ағайын-туғанның қызығы – алыс-беріс,
   Құдалықтың қызығы – барыс-келіс.
9. Ата-анадан жар жақын,
   Туысқаннан мал жақын.
10. Ағайын ащы, мал тұщы.
11. Ағайың үйі – ақ жайлау.
12. Ағайын бірде араз, бірде тату.
13. Асу-асу белдер бар,
    Аса алмай жаудың аты өлсін.
    Ағайынмен тату бол,
    Айыра алмай жат өлсін.
14. Ақша қарда көп жүрсең,
    Көзің бір қарығар.
    Ағайыннан шет жүрсең,
    Көңілің бір күн тарығар.
15. Ағайынның азары болса да,
    Безері болмас.
    Ағайын өкпеге қиса да,
    Өлімге қимас.
16. Аталастың саудасы айында қайтады.
17. Жалғыздың жоғы жоғалса табылмайды,
    Көптің жоғы жоғалса да табылады.
18. Жақыны көп жасқанбайды.
19. Жалғыздың өзі сығай,
    Екеудің бірі жұбай.
    Үшеудің бірі шарана,
    Төртеудің бірі қаймана.
20. Жанашыры жоқ адам,
    Жал-құйрықсыз атпен тең .
21. Жаттан жеген майлы астан ,
    Жақынның жұдырығы артық .
22. Жақынды жат етсең ,
    Жатқа күлкі боларсың .
23. Жауда да бір үйің болсын.
24. Жақыннан қорған, алыстан айбар.
25. Жан алып жат болма.
26. Көпшіліктен береке кетпес,
    Берекелі жерден мереке кетпес.
27. Көсеуің ұзын болса, қолың күймес,
    Ағайының көп болса, ешкім тимес.
28. Қанына тартпағанның қары сынсын
29. Жетім бала секілді жездем пақыр.
30. Жаман күйеу қайыншыл.
31. Жиен мыңнан, күйеу жүзден үлкен.
32. Жиенді ұрғанның қолы қалтырар.
33. Жиен келді дегенше,
    Жеті бөрі келді де.
34. Жиеннің назары жаман.
35. Жақсы қасиет нағашыдан жұғады.
36. Қарағай бойы қар жауса да,
    Жұтамайды сауысқан.
    Қанды қалпақ кисе де,
    Қиыспайды туысқан.

1) Ана туралы

1. Ана жүрегі теңізден терең .
2. Аналы баланың өзі тоқ,
   Анасыз баланың көзі тоқ.
3. Ананың алақаны балаға айдынды қоныс.
4. Ағайынның алтын сарайынан,
   Ананың жыртық лашығы артық.
5. Ағайын алтау, ана біреу.
6. Ананың сүті – бал,
   Баланың тілі – бал.
7. Анасын сүйгеннің баласын сүй.
8. Анасын көріп, қызын ал,
   Қарасын көріп, бөзін ал.
9. Ана сүтін ақтамағанды ешкім мақтамайды.
10. Асығу – баланың ісі,
    Аттандыру – ананың ісі.
11. Ана сүтімен көрмесе,
    Пана сүтімен көрмес.
12. Әке – жезде, шеше – күйме.
13. Тапқан ана емес, баққан ана.
14. Туғанына мекіренбеген ана безбүйрек,
    Тумысында уызына уызына жарымаған төл қатпа.
15. Жұмақ аналардың табанының астында.