Хз. Юныс қиссасы
Хз. Юныстың қауымын тастап кетуі
Юнысты есіңе ал. Сол уақытта ашуланып кетіп қалды да, Біздің еш тарлық қылмауымызды ойлап, сонда қараңғылықтар ішінде (балықтың қарнында): «Сенен басқа ешбір тəңір жоқ. Сен Пəксің. Шын мəнінде, мен қателесушілерден болдым», – деп жалбарынды. (Айтқанына көнбеген еліне ашуланып, бет алды кетіп, бір кемеге отырғанда балық жұтады).
(Əнбия сүресі, 87)
Сол уақытта ол толы кемеге қашқан еді. (Еліне кейіп, кемеге барып түскенде; кеме ауырлап жүре алмай, шар салғанда соған шығады). Шар салғанда ол жеңіліске ұшырады. (Қарғып теңізге түсті). Сонда оны балық жұтты. Ол айыпталған еді.
(Саффат сүресі, 140-142)