Қауымының бүлік шығаруы
Қалада жер жүзінде бұзақылық істеп, түзушілік істемейтін тоғыз кісі бар еді. Солар Алланың атымен анттасып: «Салихты семьясымен түнде жоқ етіп, сонан соң жақындарына: «Үй-іштері өлтірілгенде жоқ едік. Күдіксіз, біз анық шын айтамыз дейік», – десті.
(Нəміл сүресі, 48-49)
Сондай олар іңгенді өлтіріп, Раббыларының əмірінен шықты да: «Ей, Салих! Егер сен елшілерден болсаң, бізге бопсалағаныңды келтір», – деді. Сонда оларды бір сілкініс қолға алды да, үйлерінде етпеттеген бойдарында қалды. Сонда Салих олардан жүз бұрып: «Ей, елім! Расында, мен сендерге Раббымның бұйрығын жалғастырдым. Бірақ, сендер үгіттеушілерді жақсы көрмедіңдер», – деді.
(Ағраф сүресі, 77-79)