“ӘНШІ БАЛАПАН” — халықаралық өнерлі балалар фестивалі. Алғаш 1990 ж. 6 мамырда ұйымдастырылды және сол күні Қазақ теледидарынан тікелей эфирге шығарылды. Содан бері “Ә. б-ға” респ-ның барлық облыстарының 4—16 жас аралығындағы өнерлі балалары қатысты. Олар Болгария, Үндістан, Полына, Ресей, Түркия, Швеция, Финляндия, Франция, Эстония елдерінде өнер көрсетті. Фестивальда тұңғыш та- нылған жас өнерпаздар кейін беделді халықар. байқаулардың жүлделерін жеңіп алды. 1998 ж. 24 — 27 қыркүйегінде “Ә. б.” халықаралық фестиваліне Италия, Литва, Қырғызстан, Тәжікстан, Түркия, т.б. елдерден өнерлі балалар қатысты. Сөйтіп фестиваль халықар. дәрежеге көтерілді.