Қойшығара Салғараұлы
(1939) Ақын, жазушы. ҚР Мемлекеттік сыйлығының лауреаты (1996). Қостанай облысының Көкалат ауылында туған.
***
Елім деген ізгі оймен, Тазарсын ішкі сарайың!
*** Тарих – ұлы ұстаз.
***
Елді көреген көсем басқарса, Елдің естісінің бағы жанады. Елді көркеуде надан басқарса, Елдің естісі есінен танады.
***
Сана түзелмей, іс түзелмейді.
***
Ұлттық сана – ұлттық дүниетанымға негізделеді.
***
Халықтың тамыры – дәстүр.
***
Мәңгүрт дейміз, жазғырамыз жастарды, Ал соларды мәңгүрт қылған өзіміз.
***
Өз ұлтына деген құрметтің көрсеткіші – ұлттық сана-сезімнің қалыптасу деңгейіне байланысты.
***
Ұлттық намыс – азаттықтың жаршысы, құлдықтың қас жауы.
***
Дәстүр бұзылған жерде халықтың халықтығы бұзылады.
*** Тіліміздің тағдыры – біздің өзіміздің тағдырымыз.
*** Халық деген – өзіміз. Өзіміз өзгермесек, өмір де өзгермейді.