Сулейменов Олжас
(1936) Ақын, саяси және қоғам қайраткері, дипломат. Халық қаһарманы.
***
Мәдениет дегеніміз – кісілер арасында адам болу өнері.
***
Гүлденген мәдениет дегеніміз – сан ғасырлар бойы өзге мәдениеттермен үзіліссіз байланыс жасаудың жемісі. Тілге қатысты да осыны айтуға болады.
***
Өзіңді-өзің тану тәрізді, тарихты танып-білу де қазіргі даму процесіне аса қажет әрекет. Ол – болмай қоймайтын жоғалтулар, мұны тереңірек сезінуге мүмкіндік береді. Сонымен бірге процеске кең жол ашады.
***
Құсбелгілік – аңшылықтың ең көне түрі.
***
Шындықтың наданның табанының астында шырылдап жатқанын көргенде, немкетті сезімнің де дәті шыдамайды екен.
*** Сөз дегеніміз – дәйек.
***
Нағыз тіл маманы сөздің ішкі құдіретін сезіне алу керек.
***
Тілдер туыстығы – мәдени туыстық.
***
Неге поэзия – тек сезімнің, ал ғылым тек зерделіліктің көрінісі болуға тиіс? Ақылсыз адам шығарған өлең жолдары нақылға айналмайтыны хақ.