“әл-МҮҚАДДИМА” (“Кіріспе”) — тарихи шығарма. Абд әр-Рахман Әбу Зейд ибн Халдунның “Китаб әл- ибар…” (“Ғибрат пен тәлім-тәрбие кітабы”) атты 3 кітаптан тұратын еңбегінің 1-кітабының алғашқы бөлімін қамтитын “әл-М-да” автордың өзінің саяси-экон., әлеум.-философиялық көзқарастары, адамзат мәдениетіне қатысты пікірі жазылған. Шығарма көшпелі тайпалар шаруашылығының өзіндік ерекшеліктері, олардың отырықшы халықтармен өзара қатынасы, қазіргі Қазақстан жерін мекендеген түркі тайпалары (оғыз, қимақ, қыпшақ) жөнінде тарихи-геогр. құнды деректер береді.