ЛИДАР (ағылшынша «Lidar – Light detection and ranging – жарық арқылы іздеп табу және қашықтықты анықтау» деген сөздердің бас әріптері бойынша қысқартылған атау) – ауа және су орталарын қашықтан зондтауға арналған оптикалық локатор. Локатор құрамында оптикалық сәуле көзі (әртүрлі лазерлер) зондтау нәтижесін тіркейтін және өңдейтін жүйелі фотоқабылдағыш телескоп, ақпараттарды бейнелеуге және басқаруға арналған құрылғылар, қоректендіру блогы болады.