Кері Комптон эффектісі. Егер электрмагниттік сәуле релятивтік электрондардан (яғни жарық жылдамдығына жуық жылдамдықпен қозғалатын) серпімді шашыраса, онда фотондар энергиясы (және импульсі) электрондардың энергиясы (және импульсі) есебінен артатын болады, яғни шашырау кезінде толқын ұзындығы кемитін болады. Осы құбылыс кері Комптон эффектісі деп аталған. Бұл эффекті ғарыштық көздердің рентген сәулесінің галактикалық сәулелердің фондық құраушыларының (компоненттерін) пайда болуын түсіндіру плазмалық толқындардың жоғары жиілікті электрмагниттік толқындарға айналуын (түрленуін) анықтау мақсатында пайдаланылады.