ӘБУ-Л-МАХАСИН ИБН ТАГРИБЕРДИ Әбу-л-Махасин Жамал әд-Дин Иүсүп ибн Тагриберди (1409 — 10 — 5. 06. 1470) — тарихшы, әдебиетші. Мысырдағы ауқатты мәмлүкотбасынан шыққан. өз заманындағы белгілі ғалымдардан дәріс алған. Оның бізге жеткен еңбектері Мысырдың тарихын арабтардың жаулап алуынан (7ғ.) 1469 жылға дейінгі уақыт аралығын қамтитын деректермен құнды. Ол — Мұхаммед пайғамбар өмірінің қысқаша тарихы, бірқатар өлеңдер жинағының авторы.