Кенжебаев Бейсембай (1904-1987) – әдебиеттанушы ғалым, филология ғылымдарының докторы, профессор, аудармашы, педагог. Қазіргі Оңтүстік Қазақстан облысы, Бөген ауданы, Жалғыз ағаш ауылында дүниеге келген. 1921-1925 жж. Мәскеуде Шығыс еңбектері коммунистік университетінде (КУТВ), 1938-1942 жж. М.Горький атындағы Әдебиет институтында, 1939-1942 жж. Қазақ мемлекеттік университетінің журналистика факультетінде оқыған. 1944 жылдан өмірінің соңына дейін ҚазМУ-ге педагогтік қызмет етті. Ғалым «С.Торайғыровтың творчествосы» (1949), «Қазақтың демократ жазушылары» (1958), «ХХ ғасыр басындағы қазақ әдебиеті» (Ө.Есназазаровпен бірге, 1966),
«Шындық және шеберлік (1966)», «Көне әдебиет туралы» (1969), «Жылдар жемісі» (1984), «Әдебиет белестері» (1986), т.б. зерттеу еңбектердің авторы.
А.Т.Ойсылбай филол.ғ.к.