ИНВЕРСИЯ
Инверсия (лат. іnversіo – орын өзгерту) – сөздердің әдеттегі грамматикалық түзілу тәртібінен тыс, орындарын ауыстырып өзгеше тіркестер құратын фигураның бір түрі. Сөздердің сөйлемдегі орын тәртібін тура қолданбай, керісінше пайдалануды бейнормалылықтың үлгісі ретінде көрсетуге болады. Қаламгер инверсияны өз сөйлемінің ішіндегі басты, кілт сөзге назар аударту үшін қолданады. Мысалы, “Сен құрметте оны. Түсіндің бе, қарағым. Ол ақшаға сатқан жоқ, Тізеден кесіп аяғын” (Ә.Сәрсенбаев).
Қазақстан. Ұлттық энциклопедия. ІІІ том. – Алматы, 1998.