Қозғалтқыштар жұмысының түрлі қырларын белгілі бір өлшемдермен сипаттайды. Бұл өлшемдерді қозғалтқыш теориясында екі топқа бөліп, индикаторлык және тиімділік көрсеткіштері деп атайды. Индикаторлық көрсеткіштер нақты циклдағы жылудың жұмысқа айналуын, яғни барыстардың өту сапасын сипаттайды. Тиімділік көрсеткіштері – қозғалтқыштың түпкілікті өлшемдері; олардың көмегімен қозғалтқыш механикалық тұрғыдан, яғни механикалық қуат көзі ретінде және механикалық сапасы жөнінен бағаланады.