Өздігінен өзі
Қалың қар жауған қыстың бір күні Арман қолына күрек алып, есік алдын тазалауға кіріседі. Көрші үй жаққа қарап еді, үйге барар жолы жасалынып, дап-дайын болып тұрғанын көрді.
Ертеңіне қайта қар жауады. Арман көршісінен қалыспайын деп, бұл жолы әдеттегіден жарты сағатқа ерте тұрады. Далаға шығып қараса, көрші үйдің есік алды баяғыдан тазаланып қойылыпты.
Үшінші күні болса, қар кешегіден де көп жауған. Бірақ бұл жолы да Арман жолды тазалау үшін ертерек тұрса да, көршісінің үйіне жол тазаланылып қойылғанын көреді.
Көршісімен кездескен сәтте, Арман тура сұрайды: «Есік алдындағы қарды қалай ғана тазалап үлгересің сен? Әр көргенімде үнемі тап-таза болып тұрады», көршісі оған: «Жолды қардан ешқашан тазалаған емеспін. Үйге келіп-кететін достарымның көптігінен болса керек, жол өздігінен өзі тазаланып, осылай болады»- деді.
• Көршісінің Арманнан бұрын қарды күреп бітуінің себебі неде?
• Арман осы жағдайдан өзіне қандай сабақ алды?
• Қандай адамдардың досы көп болады?
• Өздеріңнің достықты қалай бағалайтындарыңды әңгімелеп беріңдер.