Білім беру салалары: Қатынас, әлеумет Бөлімі: Қазақ тілі.
Тақырыбы: Ғажайып алаң.
Мақсаты: қарапайым сұрақтар қоюды және оларға жай сөйлеммен жауап беруді дағдыландыру, отбасы тақырыбын қайталау, бекіту.
Білімділік міндеті: отбасы мүшелерінің атын қазақша айтуға, сөз тіркестерін дұрыс қолдануға үйрету, диалогке қатысуға үйрету. Қазақ тіліндегі сөздер мен сөйлемдерді түсініп және күнделікті өмірде қолдана білуге үйрету.
Дамытушылық міндеті: қазақ тіліне тән дыбыстарды дұрыс айтуға жаттықтыру, байланыстырып сөйлеуді дамыту.
Тәрбиелік міндеті: үлкенге құрмет, кішіге ізет білдіруге тәрбиелеу.
Күтілетін нәтижелер:
Жасайды: отбасы мүшелерін ажыратып, сөз тіркестерін дұрыс қолданып, байланыстырып сөйлейді.
Түсінеді: қарапайым сұрақтар қоюды және оларға жай сөйлеммен жауап беруді.
Қолданады: таныс сөздерді күнделікті өмірде қолданады, мақал-мәтел айтады. Қолданылатын көрнекі құралдар: қуыршақтар – Сәуле мен Арман, ғажайып барабан, отбасымен түскен суреттер, фотоальбом, қима материалдар, жұмыс дәптері, қарындаш. Билингвалды компонент: отбасы – семья, тату тұрамыз – живем дружно, атамның аты – дедушку зовут, әжемнің аты – бабушку зовут, ғажайып алаң – поле чудес.
ҰОҚ барысы 1. Ұйымдастыру кезеңі Шаттық шеңбер.
– Балалар, бір-біріңе аналарың еркелетіп атайтын аттарыңды айтыңдар.
Ғажайып сәт. Қонаққа қуыршақтар – Сәуле мен Арман келеді.
– Сәлеметсіздер ме?!
Балаларға «Ғажайып алаң» ойынын ойнауға шақырады.
2. Негізгі кезең
Балалар барабанды айналдыра отырып, ұпай жинайды, сұрақтарға жауап береді, тапсырмаларды орындайды. Бірінші тапсырма: Санамақты еске түсіру, отбасы мүшелерін атау.
Атам, әжем, Әкем, шешем.
Әпкем, сіңілім, Ағам, інім және мен.
Бір үйде біз нешеуміз?
Кел, санайық екеуміз.
Екінші тапсырма: Отбасы туралы қандай мақал білесіңлер?
Балалар мақалдарды естеріне түсіреді.
1. Отан отбасынан басталады.
2. Баланың бас ұстазы – ата-ана.
3. Інісі бардың – тынысы бар, Ағасы бардың – жағасы бар.
4.Аға әдепті болса, іні әдепті,
Апа әдепті болса, сіңлі әдепті.
Үшінші тапсырма: Отбасымен түскен суреттер, фотоальбоммен жұмыс.
Балалар өздеріне таныс сөздерді атайды және сөздерден сөйлем құрайды.
– Мынау – менің отбасым. Мынау – ата. Атамның аты – … . Атам теледидар көреді.
– Мынау – менің әжем. Әжемнің аты – … . Әжем ән айтады.
– Мынау – менің әкем. Әкемнің аты – … . Әкем ойыншық берді.
– Мынау – менің анам. Анамның аты – … . Анам тамақ пісіреді. Біз тату тұрамыз.
Төртінші тапсырма: Диалог құру. Сұрақтарға жауап беру.
Балалар бір-біріне сұрақтар қояды.
– Сенің ағаң бар ма?
– Ағаңның аты кім?
– Сенің әпкең бар ма?
– Әпкеңнің аты кім? т.с.с
Бесінші тапсырма. Дидактикалық ойын: «Тыңда, есте сақта, қайтала». Қуыршақ Сәуле сан тіркесімен отбасы мүшелерін айтады, балалар тыңдап алып, қайталаулары керек. Мысалы:
менің 2 әжем, 1 атам, анам, 3 інім бар. Сергіту сәті.
Дөңгеленіп тұрамыз, Керегені құрамыз.
Уықтарша иіліп,
Шаңырақты көтеріп, Қазақ үйді құрамыз.
Жұмыс дәптерімен жұмыс.
1.Суреттерге қара. Отбасы мүшелерін ата. Сөйлем құра.
Педагог жеке жұмыс жүргізеді. Үлгі: Менің атам бар. Атамның аты – … .
3. Рефлексия.
Педагог қорытындылайды. Балаларды мадақтайды.
– Сендерге ойын ұнады ма? Қандай тапсырма ең қызықты болды? Жұмыс дәптерінде сендер өздеріңнің игерген білімдеріңнің дәрежесін, үлгерімдеріңді смайл арқылы белгілейсіңдер. Қуыршақтар балалармен қоштасады.