ЖАҚСЫ ЖОЛДАС СОЛ БОЛАР

ЖАҚСЫ ЖОЛДАС СОЛ БОЛАР

Жақсы жолдас сол болар,
Жолықпай сөзді жинаған.
Жаман жолдас сол болар,
Орынсыз жерде қинаған.
Баланың асыл туғаны,
Ата-анасын сыйлаған.
Жауда қалар жолдасы,
Өзінің басын қорғаған.
Бұл заманның билері,
Көрмегенге нанбаған.
Екі достың арасын,
Айырады оңбаған.
Анық көзі көрмесе,
Сөзге ермейді оңды адам.
Бұл сөзімді шет демес,
Ақылы болса милы адам [4].