ДОС ЕМЕС – ДОС СЫРТЫҢНАН ЖАМАНДАСА
Дұшпаннан ақыл сұрама,
Жауығатын күнара.
Бір сынаған кісіні,
Одан әрі сынама.
Таршылық бір іс болса,
Мойнын саған бұра ма?
Еділ менен Жайық бол,
Кісіменен ұрыспа.
Екі талай іс болса,
Жаныңды аяп тұрыспа.
Мінезі жаман кісіге,
Ізнаһар етіп жуыспа.
Досыңменен жақын жүр,
Өтірік айтып суыспа.
Жақсымын деп жаманға,
Еш уақытта жұлыспа.
Жақынмын деп болыспа,
Түсіп кетсең қайтесің,
Түбі терең қуысқа