Бір жылы интернеттен фильмдер көшіремін деп байқамай мультфильмдер жүктеп алғаным есімде. Ішінде «UP»,» Rio» сынды керемет мультфильмдер болғаны да бар. Бүгін Up мультфильмінің шын оқиғаға байланысты түсірілгенін білдім. Оқиға АҚШ -тың Сиэтл қаласында болған екен. Қаланың көрікті жерінен сауда үйін салмақшы болған құрылыс компаниясы сол жердің үйлерін арзанға сатып ала бастайды. Бірақ бір кейуана шалымның көзі, жастығым, отбасылық өмірім осы үйде өтті деп үйін сатпапты. Үйді алу үшін компания әжейдің ізінен 10 жыл жүрген. Ең соңында 1 млн АҚШ долларын ұсынған. Бірақ үйді сатып ала алмаған. Дегенмен үйді айналдыра сауда үйін салған. Ал әжейдің үйі бүгінгі күні музейге айналыпты.
