Асқар Тоқмағамбетов (1905 – 1983)
Ақын, сатирик.
Қызылорда облысы, Тереңөзек ауданында туған.
Қарға қаз болмайды, Қарға болғысы келсе, Қаз да оңбайды.
***
Сен, әлгі шіркеймісің, Қалай үлкейгенсің?
***
Сауысқан болма, сақтан, Орныңды тауып мақтан.
***
Қайда тұрып сайраса да, Бұлбұлдың аты бұлбұл.
***
Айта алмай кетпе, айтып кет, Айта алмайсың қайтып кеп.
***
Ынтымақ, ел бірлігі бір қосылса,
Саз балшық сары алтынға айналады.
***
Бұтақпен ағаш сымбатты,
Ұрпақпен адам қымбатты.
***
Досы көптің қасына
Жау келмес деген осы да.
***
Жұмысы түссе жалтаңдап, Жағынып келер жаныңа. Жұмысы бітсе талтаңдап, Жоламай кетер маңыңа.