Махамбет Өтемісұлы
(1804-1846)
Ұлы ақын, батыр. Ұлт-азаттық қозғалысының жалынды жаршысы. Исатай Таймановтың сенімді серігі. Орал облысының Бөкей ордасы ауданындағы Бекетай құмында туған.
***
Бір сынаған жаманды Екіншілей сынама… Ермін деген жігітті
Кеңшілікте сынама.
*** Қарайғанның, жігіттер, Бәрін кісі демеңдер.
Көпе күндіз сайрандап,
Түзге шықпас ерлер бар.
***
Еменнің түбі – сары бал, Еріскен көңіл – бәрі бал.
***
Таудай болған таланттың назары қайтқан күн болар.
*** Көшпелі дәулет кімде жоқ – бірде бар да, бірде жоқ.
*** Ат – жігіттің майданы.
***
Аз сөйлер де, көп тыңдар хас асылдыңбаласы.
***
Азамат, сені сақтадым бір күніме керек деп.
***
Жаманменен дос болсаң – сыртыңнан жүрер өсектеп.
***
Қылыш – жанның дәрмені, өлім – хақтың пәрмені.
*** Кәрісі кімнің жоқ болса, жасы болар дуана.
*** Қарада да қара бар – хан ұлына бергісіз!
***
Жауда қалса жолдасы, мақтанадынесіне ер?!
***
Арғымақтың баласы аз оттар да, көп жусар,
Асыл ердің баласы аз ұйықтар да, көп жортар.
***
Батыр болмақ – ойдан-ды.
***
Халық қозғалса, хан тағында тұра алмас.
***
Құс ілген қудың ұятта ісі болмайды.
***
Ханнан қырық туғанша, қарадан біреу тусайшы, атаның кегін қусайшы!
***
Асылдан болат ұл туса, жауырынынан өтін алса да, жамандарға жалынбас.
***
Туғанұлдан не пайда, қолына найза алмаса, атаның жолын қумаса.
***
Алаштың байлығынан не пайда, қайырыоның болмаса.
***
Ер дұшпаны көп болар.
***
Көл – дария болып шалқымас.
***
Келмейтұғын нәрсеге жаныңды қинап жылама.
***
Қарағайға қарсы бұтақ біткенше, еменге иір бұтақ бітсейші – қыранға тұғыр қыларға.
***
Толарсақтан саз кешіп,
Тоқтамай тартып шығарға, Хас үлектен туғанкәтәпті Қара нар керек бұл іске!