Базар Оңдасұлы
(1842-1911)
Ойшыл, ақын-жырау. Қызылорда облысының Қармақшы ауданында дүниеге келген. Өзбекстанның Тамды ауданында жерленген.
***
Бейнет те көшпелі.
***
Айдан зәру нәрсе жоқ – түнде бар да күндіз жоқ, Күннен зәру нәрсе жоқ – күндіз бар да түнде жоқ.
***
Ақылды әйел ерінің атын шығарады.
***
Жақсы мен жаманның арасы жер мен көктей.
***
Өмірде адам не көрмес: көтергенмен кеудесін, жақсыға жаман тең келмес.
***
Жетімнің қамын ойласаң, жесірдің көңілі жұбанар, Өнбейтін даудың ізінен өспейтін жігіт қуалар.
***
Аздырар ма халқыңды, ішіңнен шыққан ер болса, Намысыңды бермейді ол, екіталай жер болса.
***
Әр заманның өзіне лайық сөзі бар.
***
Тіріде жанға тыным жоқ, Қызыл тілде буын жоқ.