КОРПУСКУЛА (латынша «корпускулум – бөлшек») – классикалық (кванттық емес) физикадағы бөлшек. Корпускулалық – бөлшектік қасиетке ие дегенді білдіреді.
КОРПУСКУЛАЛЫҚ ОПТИКА – физиканың зарядталған бөлшектердің (электрондардың және иондардың) электр және магнит өрістеріндегі қозғалыс заңдарын зерттейтін саласы. «Корпускулалық оптика» атауы әлгі электр және магнит өрістеріндегі бөлшектер қозғалысы мен оптикалық біртексіз орталардағы жарықтың таралуының арасындағы ұқсастыққа байланысты қойылған атау.