САРА ТАНАБАЕВА
80 ЖАСТА (1941)
Қазақстан Республикасының мәдениет қызметкері Танабаева Сара Есқайырқызы 1941 жылдың 15 қаңтарында Сырым ауданының Сарыой ауылында дүниеге келген. Орта мектепті бітірген соң А.С.Пушкин атындағы Орал педагогикалық институтының тарих факультетіне түсіп, 1965 жылы бітіріп шықты. Өзінің еңбек жолын Жымпиты ауданында тарих пәнінің мұғалімі болудан бастаған.
Сара Есқайырқызы 1969 жылдың мамыр айынан бастап облыстық тарихи-өлкетану мұражайында кіші қызметкер болып қызмет атқарды. Ал 1985 жылдан бастап осы мұражай директоры болып тағайындалды.
Сара Есқайырқызы Батыс Қазақстан облысының барлық мұражайларының құрылып, дамуына өз үлесін қосқан, олардың тақырыптық және экспозиицялық жоспарларының авторы болып саналады. Облыстық тарихи-өлкетану мұражайындағы ұлттық тарихи құнды құжаттар мен тарихи жәдігерлерді жинауда, құнды ақпараттарды сақтауда зор үлес қосты.
1973 жылы Орынбор қаласында өткен Е.Пугачев көтерілісіне арналған Бүкілодақтық конференцияға делегат болып қатысты.
Сара Есқайырқызы1982 жылдан Халықаралық мұражай кеңесінің (ИКОМ) мүшесі болып, Мәскеуде, Алматыда, Өскеменде болған отырыстарына қатысты. Ресейдің Орынбор, Астрахань, Қазан, Саратов, самара қалаларында болып, Батыс Қазақстан облысының тарихи құжаттары мен құнды ақпараттарды іздестіруде зор үлес қосты.
1990 жылы Саратовта өткен Бүкілодақтық мұражай қызметкерлерінің конференциясына қатысты. Сондай-ақ 2004 жылы өткен Халықаралық Шалқар форумына делегат болып қатысты.
Сара Есқайырқызы облыстық мұражай саласындағы бастамашылығымен тарихи мұражайды руханият орталығына айналдыру барысындағы табанды еңбегі мен қоғамдық қызметтегі белсенділігі үшін «Астана», «Тәуелсіздіктің 10 жылдығы» медальдарымен, бірнеше мақтау қағаздарымен марапатталған.
Әдебиеттер
Танабаева С. Асыл мұралар мекені:[Облыстық мұражайлар қызметі]//Орал өңірі.- 2007.- 17 мамыр
Танабаева С. Бабалардың даналығы ұрпаққа, бір айналып соғады-ау деп сенемін! [Текст] / Танабаева // Сокпак — Тропинка. – 2016.- №1.-
15-17 б.
https://oraltv.kz/ru/archive/programs/programs_ruh/sirtolgau_oral_oraltv/