МҰСТАҚЫМ ЫҚСАНОВ
ТУҒАНЫНА 95 ЖЫЛ (1926-1991)
Мұстақым Ықсанов Батыс Қазақстан облысы Жәнібек ауданында дүниеге келген. Қазақ ауыл шаруашылық институтын бітіріп, еңбек жолын қатардағы қызметкерден бастайды. Әр жылдары біліктілігі мен білімділігінің, ұйымдастырушылық шеберлігінің арқасында аудандық партия комитеттерін басқарды. 1960 жылдары алмағайып уақытта Қызылорда облысына басшы болды. Ол Сыр өңірін басқарған тұста қордаланған мәселелердің шешімін табуына ұйытқы болды. Әсіресе, ауыл шаруашылығы
саласының өркендеуіне мүмкіндік жасады. «Дала академигі» Ы.Жақаев осы жылдар ішінде күріштен рекордтық өнім алып, аты әлемге танылды.
1975-1986 жылдары Батыс Қазақстан облысы Партия комитетінің1-хатшысы болды. Осы жылдарда ол облыс экономикасы мен мәдениетін арттыруда, әсіресе күрделі құрылысқа, сан алуан шаруашылық, оқу ағарту, денсаулық, мәдениет салаларын дамытуға үлес қосты.
М.Ықсанов биліктің өзге салаларында жемісті еңбек етіп, Ленин, Еңбек Қызыл Ту ордендерімен, көптеген медальдармен марапатталды. Орал қаласында М. Ықсанов атында ұжымдық шаруашылық бар. Қаладағы Дмитриев көшесіндегі ол тұрған үйге ескерткіш тақта орнатылған. №36 мектепке М. Ықсановтың есімі берілді, мектеп аумағында оған ескерткіш мүсін қойылды.
Әдебиеттер
Ақбаев Ж. Елге сіңірген еңбегі көп / Ж. Ақбаев//Ұлы тұлға.- Орал: Ағартушы.- 2011.- 47-50 б.
Атаев А. Ел есінде қалған ер / А. Атаев// Ұлы тұлға.- Орал: Ағартушы,2011.- 81-87 б.
Бақтыгереева А. Ықсанов / А. Бақтыгереева//Ұлы тұлға.- Орал: Ағартушы, 2011.- 75-80 б.
Ихсанғали С. Жарқын тұлға / С. Ихсанғали//Орал өңірі.- 2014.-29 наурыз.- (№34).- 5 б.
Қыдырниязова Ш. Ағаны аңсау: Өлең / Ш. Қыдырниязова//Ұлы тұлға.- Орал: Ағартушы, 2011.- 101-102 б.
Ұлы тұлға Мұстахим Біләлұлы Ықсанов: туралы естеліктер / Автор-
құраст.А.Қ.Атаев.- Орал: Ағартушы, 2011.- 140 бет.+16 б.
Тағдыр шыңдаған тұлға//Ұлы тұлға.- Орал: Ағартушы, 2011.- 12-22 б.