КІТАБИ ЛЕКСИКА
Кітаби лексикаға әдеби нормаға енген, ғылыми, публицистикалық, ісқағаздары, көркем әдебиет стилінде қолданылатын сөздер жатады. Басқаша айтқанда, кітаби лексика — жазба әдебиет тілі. Әдеби тіл дамуының барлық дәуірінде кітаби лексиканың қалыптасуы бірдей болмайды, сол себепті зерттеушілер кітаби лексиканы екіге бөледі: 1.Ескі дәуірдегі кітаби лексика. 2.Қазіргі кітаби лексика. Бұл екі лекси каның дәуірі әртүрлі болуына байланысты көне дәуірдегі кітаби лексика бірліктері қазіргі дәуірге көне сөздер болуы мүмкін. Дегенмен өз дәуірінде олар кітаби лексикаға жатқан.