Арал—Қызылорда облысындағы аудан орталығы, қала, темір жол стансасы. Арал теңізінің солтүстік-шығысындағы үлкен Сарышығанақ қолтығында, шөл белдемінде орналасқан. Іргесі 1905 жылы «Алтықұдық» деп аталған кішкене қыстақ негізінде қаланған. Кеңес өкіметі орнағаннан соң жұмысшы поселкесіне, кейін қалаға айналды. Арал арқылы орынбор-Ташкент темір жолы мен Қызылорда-Ақтөбе автомобиль жолы өтеді. 