Қайта қаржыландыру операциясының есебі.
Қайта қаржыландыру – 1) мемлекеттік қарызды заемның жаңа түрін шығару арқылы өтеу, ең алдымен қысқа мерзімді міндеттемелерді ұзақ мерзімді бағалы қағаздарға ауыстыру арқылы;
2) компанияның бағалы қағаздарды айналыстан шығару үшін алынған ақшаларды пайдалану мақсатында жаңа бағалы қағаздарды сатуы. Пайыздарды төлеу және заемдарды өтеу мерзімін ұзарту бойынша шығындардың үнемделуін қамтамасыз етеді.
Қайта қаржыландыру операцияларының есебі баланста алынған несие ретінде көрінеді. Қайта қаржыландыру операциялары бойынша пайыздық шығындар ай сайын есептеледі:
Жоғары өтімді бағалы қағаздарды қолданумен банктерді қайта қаржыландыруда банкте мынадай жазба жасалады:
Дебет 1050 “Банктердің корреспонденттік есеп шоттары” (1550, 2550)
Дебет 1751 “Алынған несиелер және депозиттер бойынша пайыздардың алдын ала төленуі”
Кредит 2300 “Айналысқа шығырылған басқа да бағалы қағаздар”.
Әрбір айдың соңында пайыздар шығындар шотына келесі жазба арқылы жатқызылады:
Дебет 5300 “Бағалы қағаздар бойынша сыйақы төлеуге байланысты шығындар”
Кредит 1751 “Алынған несиелер және депозиттер бойынша пайыздардың алдын ала төленуі”.
Банк ломбардтық несиені жоюда келесідей жазба жасайды:
Дебет 2300 “Айналысқа шығырылған басқа да бағалы қағаздар”
Кредит 1050 “Банктердің корреспонденттік есеп шоттары” (1550, 2550).
Егер банк несиені өтемесе немесе Қазақстан Республикасының Ұлттық банкі жоғары өтімді мемлекеттік бағалы қағаздарды кірістейтін болса, онда банк Қазақстан Республикасының Ұлттық банкінен хабарлама лағаннан кейін бағалы қағаздарды баланс есебінен шығарады:
Дебет 2300 “Айналысқа шығырылған басқа да бағалы қағаздар”
2803 “Айналысқа шығарылған бағалы қағаздардың атаулы құны
мен олардың сату бағасы арасындағы айырма”
1751 “Алынған несиелер және депозиттер бойынша пайыздардың алдын ала төленуі” (ломбардтық несие бойынша дисконт сомасына)
Кредит 1201 “Саудаға арналған бағалы қағаздар”
1751 “Алынған несиелер және депозиттер бойынша пайыздардың алдын ала төленуі” (есептелген сыйақы сомасына)
4510 “Бағалы қағаздарды сатып алу-сату бойынша кірістер” (алынған табыс сомасына);
Дебет 2300 “Айналысқа шығырылған басқа да бағалы қағаздар”
2803 “Айналысқа шығарылған бағалы қағаздардың атаулы құны
мен олардың сату бағасы арасындағы айырма” (жеңілдік сомасына)
5510 “Бағалы қағаздарды сатып алу-сату бойынша шығыстар”
(бағалы қағаздар құнының сомасына)
Кредит 1751 “Алынған несиелер және депозиттер бойынша пайыздардың
алдын ала төленуі”.