Жанның көшуі
Рух адамның тәнін ол өлерден қырық күн бұрын тастайды. Сөйтіп, құсқа (көгершінге) айналып, ұшып барып бәйтеректің бұтағына, адамның аты жазылған жерге қонады.
Жан адам өлгеннен кейін оның тәнінен шығып, алғашында шыбынға айналады да, үй ішінде ұшып жүреді. Тек қырық күннен кейін ғана үйді біржола тастайды. Сөйтіп бәйтеректің ұшар басындағы бір бұтаққа барып отырады. Бәйтеректің діңгегі арқылы әлгі жан жерге түсіп, не жерге шығып жүреді де, мезгілі болғанда, әйелдің құрсағына қонады. Сөйтіп, жаңа өмір, жаңа тіршілік иесі пайда болады.
Жануарлар да, өсімдіктер де дәл осылай өмірге қайта келеді …